Azərbaycan Respublikası Səhiyyə Nazirliyinin Elmi – Tibbi Şurasının növbəti iclasında ölkəmizdə tibb elmi və səhiyyənin idarəolunmasının elmi əsasları ilə bağlı bir sıra məsələlər müzakirə olunub.
Tədbirdə şura üzvləri icbari tibbi sığortanın Azərbaycanda tətbiqi barədə fikir mübadiləsi aparıblar.
Bundan başqa, “2016-2020-ci illər üçün qan və onun komponentlərinin donorluğu və qan xidmətinin inkişafına dair Tədbirlər proqramı”nın həyata keçirilməsi barədə, eləcə də hemofiliya xəstəliyi üzrə tədbirlər proqramının icrası barədə hesabatlar təqdim olunub.
İclasda həmçinin akkreditasiya ilə bağlı müraciətlərin müzakirə və təsdiqi məsələsinə toxunulub, təşkilatların müraciətləri və qeydiyyatı barədə məlumat verilib.

---

---