Bu ilin əvvəlindən etibarən Kliniki Tibbi Mərkəzin Toksikologiya şöbəsinə ilan sancması ilə əlaqədar 52, qaraqurd sancması ilə 8, sarı əqrəb dişləməsi nəticəsində isə 14 nəfər müraciət edib.
Bu barədə həmin şöbənin müdiri, Səhiyyə Nazirliyinin toksikologiya üzrə baş mütəxəssisi Azər Maqsudov məlumat verib.
Onun sözlərinə görə, ilin ilk səkkiz ayı ərzində 26 nəfər kəskin allergik reaksiya, 16 nəfər spirtli içki qəbulu nəticəsində zəhərlənmə, 68 nəfər dərman zəhərlənməsi, 6 nəfər isə göbələkdən zəhərlənmə səbəbindən şöbədə müalicə alıb.
Sirkə turşusu içmiş bir nəfərin isə həyatını xilas etmək mümkün olmayıb.

---

---