Səhiyyə Nazirliyində nüfuzlu beynəlxalq ekspert qurumu olan McKinsey şirkəti və İcbari Tibbi Sığorta Agentliyinin nümayəndələri ilə görüş keçirilib. Toplantıda Səhiyyə Nazirliyi tərəfdən Aparat rəhbəri Zəkiyyə Mustafayeva, Sanitariya-epidemioloji nəzarət sektorunun müdiri Viktor Qasımov və digər rəsmi şəxslər iştirak ediblər.
Nazirliyin mətbuat xidmətindən verilən məlumata görə, görüşdə Səhiyyə Nazirliyi ilə McKinsey şirkətinin sıx əmədaşlığı çərçivəsində icbari tibbi sığortanın tətbiqi ilə səhiyyə sahəsində həyata keçiriləcək islahatlar və strateji plan müzakirə olunub. Layihə barədə səsləndirilən təkliflərə rəylər bildirilib.
McKinsey şirkətinin nümayəndələri bu əməkdaşlığı yüksək qiymətləndirib və öz təşəkkürlərini bildiriblər. Növbəti müzakirələrlə əlaqədar görüşlər təyin edilib.

---

---