Respublika Diaqnostika Mərkəzinin (RDM) nəzdində fəaliyyət göstərən Bakı Ürək Mərkəzində keçirilmiş xeyriyyə aksiyasi çərçivəsində anadangəlmə ürək qüsuru olan iki yaşadək uşaqlarda mədəciklərarası çəpərin qüsuru uğurla aradan qaldırılıb. Əməliyyatlar mərkəzin kardiocərrahı Elnur Həsənovun rəhbərlik etdiyi həkim briqadası tərəfindən aparılıb.
Uşaqlar əməliyyatdan iki gün sonra evə yazılıblar.
Qeyd edək ki, anadangəlmə ürək qüsurları arasında geniş yayılan bu problem mədəciklərararası çəpərin tam inkişaf etməməsi nəticəsində arakəsmənin açıq qalması ilə müşahidə olunur. Belə uşaqlarda həyatlarının üçüncü ayından etibarən durğun ürək çatışmazlığı meydana çıxır, tənəffüsün tezləşməsi, tez yorulma, həddindən artıq tərləmə və çəkidə geri qalma müşahidə olunur.
Kiçik yaşlarında olunan əməliyyatın riski aşağıdır və demək olar ki, xəstəliyin bütün simptomları aradan qalxır.

---

---