Moskvada “Qlaukoma: nəzəriyyələr, tendensiyalar, texnologiyalar” mövzusunda keçirilən XI Beynəlxalq Oftalmoloji Konqresdə Azərbaycanı akademik Zərifə Əliyeva adına Milli Oftalmologiya Mərkəzinin direktoru, professor Elmar Qasımov təmsil edib.
Otuz ölkədən 1200 oftalmoloqun iştirak etdiyi tədbirdə qlaukomanın yeni müalicə üsulları və müasir əməliyyat növləri barədə fikir mübadiləsi aparılıb. İki gün davam edən konqresdə səkkiz bölmə üzrə 170 məruzə dinlənilib.
Professor E.Qasımov ölkəmizdə bu xəstəliklə bağlı tətbiq olunan yeni texnologiyalar və müalicə üsulları barədə məlumat verib.
Forumda Elmar Qasımov “Azərbaycanda qlaukomanın erkən diaqnostikasının və müalicəsinin təşkili” proqramına görə akademik Arkadi Nesterov adına Fəxri medalla təltif olunub.

---

---