Artıq iki ildən çoxdur ki, Azərbaycanda “Ailə Məcəlləsində dəyişikliklərin edilməsi haqqında” Qanuna uyğun olaraq, nikaha daxil olmaq istəyənlər icbari qaydada tibbi müayinədən keçirlər. Bu qaydanın tətbiq olunduğu 1 iyun 2015-ci il tarixindən bu il iyulun sonunadək həmin müayinələrlə 309 224 nəfər əhatə edilib. Ümumilikdə, onların əksəriyyətinin sağlamlıq vəziyyəti qənaətbəxş olub. Bununla belə, müayinədən keçənlərdən 12 594 nəfərdə talassemiya daşıyıcılığı, 1 456 nəfərdə sifilis, 225 nəfərdə isə İİV infeksiyası aşkar edilib.
Təkcə ötən ay ailə qurmaq arzusunda olanlardan 17 793 nəfər tibbi yoxlamalardan keçib.

---

---