Heydər Əliyev Fondunun Regional İnkişaf İctimai Birliyi, Səhiyyə Nazirliyi və Mərkəzi Neftçilər Xəstəxanasının təşkilatçılığı ilə Gəncə-Qazax regionu üzrə Şəmkir, Ağstafa, Qazax, Gədəbəy və Tovuz rayonları sakinlərinin Tovuz rayonu Diaqnostika və Hemodializ Mərkəzində ödənişsiz tibbi müayinələri təşkil olunub.
Üç gün davam edən müayinələrə Mərkəzi Neftçilər Xəstəxanasının yüksək ixtisaslı mütəxəssisləri cəlb edilib.
Tibbi aksiya ucqar və sərhədyanı kəndlərin sakinləri də daxil olmaqla, ümumilikdə, 1288 nəfəri əhatə edib. Ehtiyac yarandığı halda laborator yoxlamalar aparılıb, müalicələr təyin olunub.
Müayinələr kardioloji, urololoji xəstəliklər, ümumi terapiya, ümumi cərrahiyyə, oftalmologiya sahələrini əhatə edib.

---

---