Görkəmli oftalmoloq-alim, akademik Zərifə xanım Əliyevanın 92-ci ildönümü günündə səhiyyə naziri Oqtay Şirəliyev başda olmaqla Azərbaycanın tibb ictimaiyyəti, Səhiyyə Nazirliyinin kollegiya üzvləri və əməkdaşları, habelə akademik Zərifə Əliyeva adına Milli Oftalmologiya Mərkəzinin kollektivi Fəxri Xiyabanı ziyarət etdilər.
Ümummilli lider Heydər Əliyevin xatirəsi ehtiramla yad edildi, məzarı önünə əklil və tər çiçəklər qoyuldu.
Tanınmış alim, akademik Zərifə xanım Əliyevanın da xatirəsi ehtiramla yad olundu, məzarı önünə əklil qoyuldu, üzərinə tər çiçəklər düzüldü.

---

---