Prezident İlham Əliyev “Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında” Sərəncam imzalayıb.
Sənədə əsasən, Vətənimizin ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Azərbaycan Respublikası Silahlı Qüvvələrinin bir sıra hərbi qulluqçuları ölümündən sonra “Azərbaycan Bayrağı” ordeni, 3-cü dərəcəli “Rəşadət” ordeni, 3-cü dərəcəli “Vətənə xidmətə görə” ordeni, “Vətən uğrunda” medalı ilə, eləcə də Cəbrayılın. Xocavəndin, Füzulinin, Zəngilanın, Qubadlının, Şuşanın, Laçının azad olunmasına görə medallarla təltif ediliblər.
O cümlədən tibb xidməti leytenantı Tariyel Allahverdi oğlu Salmanov 3-cü dərəcəli “Vətənə xidmətə görə” ordeni ilə təltif olunub.

---

---