Milli Məclisin Səhiyyə komitəsində ÜST nümayəndələri ilə görüş keçirilib

Milli Məclisin Səhiyyə komitəsində ÜST nümayəndələri ilə görüş keçirilib

Milli Məclisin Səhiyyə komitəsi Ümumdünya Səhiyyə Təşkilatının (ÜST) Azərbaycanda malyariyanın eliminasiyasının sertifikasiyası üzrə qiymətləndirmə missiyasının nümayəndə heyəti ilə görüşüb.
Milli Məclisin Mətbuat və ictimaiyyətlə əlaqələr şöbəsindən bildirildiyinə görə, Səhiyyə komitəsinin sədri Əhliman Əmiraslanov qonaqları salamlayaraq Azərbaycanda malyariya epidemiyası ilə mübarizədə əldə olunan nailiyyətlər barədə danışıb. Əhliman Əmiraslanov bu sahədə qəbul edilən dövlət proqramları, həmçinin vətəndaşların sağlamlığının qorunması istiqamətində Prezident İlham Əliyevin rəhbərliyi və Birinci vitse-prezident Mehriban xanım Əliyevanın birbaşa qayğısı sayəsində Azərbaycan səhiyyəsində görülən tədbirlər, tibbin inkişafı üçün yaradılan imkanlar barədə qonaqlara məlumat verib.
Səhiyyə komitəsinin üzvləri Soltan Məmmədov və Sədaqət Vəliyeva Azərbaycanın ÜST ilə uğurlu əməkdaşlığından söz açıblar, bu səmərəli əməkdaşlığa görə qonaqlara təşəkkür ediblər. Deputatlar Azərbaycan səhiyyəsində aparılan islahatlardan, dövlətin göstərdiyi böyük dəstəkdən danışaraq, səhiyyənin aktual məsələlərinə Azərbaycan parlamentinin də həssaslıqla yanaşdığını diqqətə çatdırıblar.
ÜST Baş Qərargahının Qlobal Malyariya Proqramının Malyariyanın eliminasiyası şöbəsinin müdiri Elxan Qasımov, ÜST-nin Azərbaycanda malyariyanın eliminasiyasının sertifikasiyası üzrə qiymətləndirmə missiyasının nümayəndə heyətinin rəhbəri Kris Karter, missiyanın üzvü Reza Məcidzadə bu qurum tərəfindən Azərbaycanda malyariya xəstəliyinə yoluxmanın kəsilməsi üzrə aparılan sertifikatlaşdırma prosesi, görülən işlər barədə məlumat verib, təşkilatın tövsiyə və tələblərinə ölkəmizdə ciddi əməl olunmasını yüksək qiymətləndiriblər. Onlar bu sahədə epidemioloji və entomoloji vəziyyət üzərində daimi nəzarətin aparılması ilə bağlı fikirlərini bölüşüblər.





Noyabr 2022

~ Sonuncu nömrə ~

Bütün nömrələr

Elanlar
ELANLAR

Daha çox

Film və videolar

Daha çox

Sosial reklamlar

Daha çox

Facebook
Səhiyyə Nazirliyinin nəşrləri

İlham Əliyev

Mehriban Əliyeva

Mehriban Əliyeva


Nigar Məcidova