Nazirlər Kabineti COVID-19 ilə mübarizədə iştirak edən tibb işçilərinin əməkhaqlarına əlavənin müddətinin uzadılması barədə qərar qəbul edib.
“Bakı şəhər Baş Səhiyyə İdarəsinin tabeliyində yaradılmış xüsusi ambulator tibb məntəqələrində yeni növ koronavirus (COVID-19) infeksiyasına yoluxmuş xəstələrə ambulator-poliklinik yardım göstərən tibb işçilərinin əməkhaqlarına müddətli əlavənin müəyyən edilməsi barədə” Azərbaycan Respublikası Nazirlər Kabinetinin 2020-ci il 23 iyul tarixli 262 nömrəli Qərarında dəyişiklik edilməsi haqqında Qərara əsasən, Azərbaycan Respublikası Prezidentinin “Yeni növ koronavirus (COVID-19) infeksiyası ilə mübarizə tədbirlərində iştirak edən tibb işçilərinin sosial müdafiəsinin gücləndirilməsi haqqında” 2020-ci il 18 mart tarixli 1947 nömrəli Sərəncamının 2.1-ci bəndinə uyğun olaraq, Nazirlər Kabinetinin 23 iyul 2020-ci il tarixli Qərarının 2-ci hissəsində “iyulun 1-dək” sözləri “sentyabrın 1-dək” sözləri ilə əvəz edilib.
Qeyd edək ki, Nazirlər Kabinetinin 2022-ci il 20 iyun tarixli 232 nömrəli Qərarı ilə Azərbaycan Respublikasının ərazisində xüsusi karantin rejiminin müddəti də 2022-ci il sentyabrın 1-dək uzadılmışdı.

---

---