Azərbaycan Respublikasının Prezidenti İlham Əliyev “Azərbaycan Respublikası Dövlət Sərhəd Xidmətinin hərbi qulluqçularının təltif edilməsi haqqında” Sərəncam verib
Azərbaycan Respublikasının Prezidenti İlham Əliyev “Azərbaycan Respublikası Dövlət Sərhəd Xidmətinin hərbi qulluqçularının təltif edilməsi haqqında” Sərəncam verib.
Azərbaycan Respublikası dövlət sərhədinin mühafizəsinin təmin olunmasında, ərazi bütövlüyünün qorunub saxlanılmasında və sərhəd mühafizə orqanları qarşısında qoyulmuş tapşırıqları yerinə yetirərkən fərqləndiklərinə görə Azərbaycan Respublikası Dövlət Sərhəd Xidmətinin bir qrup hərbi qulluqçusuna orden və medallar verilib. Onların arasında tibb işçisi də var. Tibb xidməti kapitanı Ceyhun Xanlar oğlu Əhmədxanov ölümündən sonra “Vətən uğrunda” medalı ilə təltif olunub.
Dövlət başçısının daha bir Sərəncamı “Azərbaycan Respublikası Prezidentinin Təhlükəsizlik Xidmətinin hərbi qulluqçularının təltif edilməsi haqqında”dır.
Xidməti vəzifələrini yerinə yetirərkən fərqləndiklərinə görə təltif olunan Azərbaycan Respublikası Prezidentinin Təhlükəsizlik Xidmətinin hərbi qulluqçuları arasında da hərbi həkimlər var. Belə ki, tibb xidməti kapitanı Aygün Vaqif qızı Ağayeva və tibb xidməti baş leytenantı Emin Elman oğlu İsmayılov “Hərbi xidmətlərə görə” medalı ilə təltif ediliblər.
