Azərbaycan Respublikasının Prezidenti İlham Əliyev “Azərbaycan Respublikası Müdafiə Nazirliyinin hərbi qulluqçularının təltif edilməsi haqqında” Sərəncam imzalayıb.
Sənədə əsasən, 2021-ci il noyabrın 16-da Kəlbəcər və Laçın rayonları ərazisindəki Azərbaycan – Ermənistan dövlət sərhədində Ermənistan silahlı qüvvələrinin təxribatlarının və hücumlarının qarşısının alınması, dövlət sərhədinin müdafiəsi və təhlükəsizliyinin təmin edilməsi məqsədilə verilən döyüş tapşırığını uğurla yerinə yetirmiş, öz xidməti vəzifələrini və qarşıya qoyulmuş tapşırıqları yerinə yetirərkən şücaət və fədakarlıq göstərmiş Azərbaycan Respublikası Müdafiə Nazirliyinin bir qrup hərbi qulluqçusu orden və medallarla təltif edilib.
O cümlədən, tibb xidməti leytenantı Müzəffər Eldar oğlu Cəfərov “Cəsur döyüşçü” medalı ilə təltif olunub.

---

---