Azərbaycan Respublikasının Birinci vitse-prezidenti Mehriban Əliyeva Parisə səfəri çərçivəsində Fransanın Milli Xərçəng İnstitutunun təsisçisi və keçmiş prezidenti professor David Hayat ilə görüşüb.
Onkoloji xəstəliklərin qarşısının alınmasına yönələn addımların əhəmiyyətini qeyd edən görüş iştirakçıları bu sahədə təcrübə mübadiləsinin aparılması və yeni əməkdaşlıq istiqamətlərinin müəyyənləşdirilməsi ilə bağlı geniş müzakirələr aparıblar.
Həmçinin görüşdə iki ölkənin onkologiya mərkəzləri arasında sıx əməkdaşlığın qurulmasının və birgə layihələrin həyata keçirilməsinin zəruriliyi vurğulanıb.

---

---