Prezident İlham Əliyev Milli Məclisin qəbul etdiyi “Azərbaycan Respublikasında vərəmlə mübarizə haqqında” Azərbaycan Respublikasının Qanununda dəyişiklik edilməsi barədə Qanunu imzalayıb. Dəyişiklik “Nağdsız hesablaşmalar haqqında” Qanunun tətbiqi ilə əlaqədardır.
Yeni sənədə əsasən, “Azərbaycan Respublikasında vərəmlə mübarizə haqqında” Qanunun 14-cü maddəsinin dördüncü hissəsinin ikinci cümləsinə “ödənilməsi” sözündən sonra “Nağdsız hesablaşmalar haqqında” Azərbaycan Respublikasının Qanununun 3.6-cı maddəsinin tələbləri nəzərə alınmaqla” sözləri əlavə edilib.
Dövlət başçısı yeni Qanunun tətbiqi haqqında Sərəncam da verib. Sənəddə Nazirlər Kabinetinə və Ədliyyə Nazirliyinə qanunların və normativ hüquqi aktların yeni qanuna uyğunlaşdırılması ilə bağlı tapşırıqlar verilib.

---

---