İran İslam Respublikasının Prezidenti Həsən Ruhaninin ölkəmizə rəsmi səfəri çərçivəsində Azərbaycan Respublikasının Prezidenti İlham Əliyevin və İİR Prezidentinin iştirakı ilə sənədlərin imzalanması mərasimi olub.
Toplantıda “Azərbaycan Respublikasının Səhiyyə Nazirliyi ilə İran İslam Respublikasının Səhiyyə, Müalicə və Tibbi Təhsil Nazirliyi arasında səhiyyə və tibb elmi sahəsində əməkdaşlıq haqqında Anlaşma Memorandumuna dair Fəaliyyət Proqramı”nı Azərbaycan Respublikasının səhiyyə naziri Oqtay Şirəliyev və İran İslam Respublikasının səhiyyə nazirinin müavini İrəc Hərirçi imzalayıblar.
Mərasimdə həmçinin sənaye, energetika, dəmir yolu tikintisi, mədəniyyət və digər sahələrdə əməkdaşlıq haqqında sənədlər imzalanıb.

---

---