Səhiyyə Nazirliyi Analitik Ekspertiza Mərkəzi (AEM) tibb sahəsində müasir inkişaf tendensiyalarından xəbərdar olmaq və yenilikləri tətbiq etmək üçün Ümumdünya Səhiyyə Təşkilatı (ÜST) ilə sıx əməkdaşlıq qurur. Bu işbirliyinin təzahürü kimi, AEM ÜST-nin Bioloji preparatlar üzrə Milli Nəzarət Laboratoriyaları Şəbəkəsinə üzv qəbul olunub.
Qeyd edək ki, ÜST-nin həmin Laboratoriyalar Şəbəkəsi 2016-cı ildə Niderlandda keçirilən müşavirədə prekvalifikasiya edilmiş peyvəndlərin sınağına məsul 21 milli peyvənd nəzarəti laboratoriyasının nümayəndələri tərəfindən yaradılıb.
Bu qurumla əməkdaşlıq AEM-in Keyfiyyətin yoxlanılması laboratoriyası üçün geniş təcrübə mübadiləsi imkanı verəcək.

---

---