Azərbaycan Səhiyyə Nazirliyində Tatarıstan Respublikası Baş nazirinin müavini – Tatarıstanın sənaye və ticarət naziri Oleq Korobçenkonun başçılıq etdiyi nümayəndə heyəti ilə görüş keçirilib. Görüşdə həmçinin Tatarıstan Respublikasının Azərbaycan Respublikasındakı daimi nümayəndəsi Murad Qadılşin iştirak edib.
Nazirliyin mətbuat xidmətindən verilən məlumatda bildirilir ki, qonaqları salamlayan səhiyyə nazirinin müavinləri İlqar Qasımov, Rasim İsmayılov və Nadir Zeynalov Azərbaycanın Tatarıstanla bir çox sahələrdə ikitərəfli əlaqələrindən söz açıb, möhkəm dostluq və qardaşlıq münasibətlərinin uğurla inkişaf etdiyini vurğulayıblar. Azərbaycanla Tatarıstan arasında səhiyyə sahəsində də ikitərəfli əlaqələrin inkişafı üçün geniş potensialın olduğu qeyd olunub.
Öz növbəsində, Tatarıstanın nümayəndə heyəti Azərbaycan Səhiyyə Nazirliyi ilə səmərəli əməkdaşlığın qurulmasında maraqlı olduqlarını diqqətə çatdırıblar.
Görüşdə həmçinin qarşılıqlı maraq doğuran digər məsələlər müzakirə olunub.

---

---