HÖRMƏTLİ REZİDENTLƏR!

2015-ci ilin aprel ayında Ümumi Respublika rezidentlərinin elmi-təcrübi konfransının keçirilməsi nəzərdə tutulmuşdur. Konfransın təşkilat komitəsi Sizi və rəhbərlik etdiyiniz kollektivi konfransın işində iştirak etməklə yanaşı, topluda elmi araşdırmalarınızın nəticələrini (tezisləri) dərc etməyə dəvət edir.
Tezislər aşağıdakı qaydalara əməl olunmaqla tərtib edilməlidir: Tezis 500-600 işarədən çox olmayan həcmdə (başlıq istisna olmaqla), 1,5 interval, şrift – Times New Roman 14, azərbaycan, ingilis və rus dillərində qəbul edilir.
Tezisdə aşağıdakı bəndlər göstərilən ardıcılıqla verilməlidir:
- Tezisin başlığı
- Tezisin müəllifləri, işin rəhbəri
- Tezis müəlliflərinin çalışdığı müəssisə
- Açar sözlər
- Giriş
- Tədqiqatın məqsədi
- Material və metodlar
- Nəticələr (bu bölmədə ½ səhifədən böyük olmayan cədvəl və ya şəkil verilə bilər)
- Yekun
Tezislər konfransın katibliyinə birbaşa təqdim olunmalıdır (çap olunmuş və elektron variantda). Müəlliflərdən telefon nömrələrini təqdim etmələri xahiş olunur.
Tezislər 15 fevral 2015-ci il tarixinə qədər, həftənin I-V günləri, saat 15:00-dan 17:00-dək, Bakıxanov küçəsi 23 ünvanında yerləşən Azərbaycan Tibb Universitetinin Rezidentura şöbəsində, 3-cü mərtəbədə qəbul edilir.
Məsul şəxs:
ATU-nun Rezidentura dekan müavini dosent İsmayıl Əfəndiyev
Əlaqə nömrəsi: (050) 214 90 18 İş: (012) 597 44 83
Email: [email protected]

---

---