Kliniki Tibbi Mərkəz (KTM) Azərbaycanda keçiriləcək Bakı 2015 Avropa Oyunları dövründə iştirakçılara xidmət göstərmək üçün əsas klinik baza xəstəxanası kimi seçilib. Bunu bu günlərdə həmin tibb müəssisəsində Səhiyyə Nazirliyi tərəfindən jurnalistlər üçün təşkil olunan məlumat turunda KTM-in baş həkimi Sultan Əliyev bildirib. Səhiyyə ocağında idmançıların, turistlərin müayinədən keçmələri üçün xüsusi şöbələrin yaradılacağını söyləyən baş həkim Mərkəzin bu tədbirə tam hazır olduğunu vurğulayıb.
Yüz yaşlı klinikanın müayinə və müalicə imkanları barədə məlumat verən S.Əliyev burada dünyanın qabaqcıl tibb avadanlığı istehsalçılarının ən müasir tibbi cihazlarının quraşdırıldığını, mərkəzin tibbi ləvazimatlarla və dərmanlarla dövlət hesabına təmin olunduğunu bildirib. 800 çarpayılıq tibb müəssisəsində 2000 nəfərə yaxın işçinin pasiyentlərə təbabətin bütün sahələri üzrə səhiyyə xidməti göstərdiyini vurğulayıb.
Sonda jurnalistlər KTM-in müxtəlif şöbələrinin fəaliyyəti ilə tanış olublar.

---

---