Səhiyyə Nazirliyi Respublika QİÇS-lə Mübarizə Mərkəzi və Tibbi Ərazi Bölmələrini İdarəetmə Birliyinin (TƏBİB) birgə əməkdaşlığı çərçivəsində İİV/QİÇS-ə dair klinik protokolların tətbiqi ilə bağlı ölkəmiqyaslı vebinar təşkil olunub.
Nazirliyin mətbuat xidməti bildirir ki, vebinarda Mərkəzin direktor müavini Günəş Cəfərova tərəfindən antiretrovirus terapiya, opportunistik infeksiyalar və müasir müalicə yanaşmaları barədə ətraflı məlumat təqdim edilib.
Onlayn tədbirdə TƏBİB-in tabeliyində fəaliyyət göstərən tibb müəssisələrindən 100-ə yaxın tibb işçisi iştirak edib. Vebinar iştirakçıların suallarının cavablandırılması və faydalı müzakirələrlə yekunlaşıb.

---

---