Şuşa şəhərində Səhiyyə Nazirliyinin dəstəyi, Ə.Əliyev adına Azərbaycan Dövlət Həkimləri Təkmilləşdirmə İnstitutu (ADHTİ) və Elmi Tədqiqat Mamalıq və Ginekologiya İnstitutunun təşkilatçılığı ilə ilk dəfə olaraq “Mamalıq və ginekologiyanın aktual problemləri” mövzusunda konfrans keçirilib.
Həkimləri Təkmilləşdirmə İnstitutundan verilən məlumata görə, konfransda ADHTİ-nin Mamalıq və ginekologiya kafedrasının müdiri professor Leyla Rzaquliyeva “Uşaqlıq boynu patologiyalarına müasir yanaşma”, kafedranın baş laborantı Günel Əfəndiyeva “Zahılıq qanaxmaları zamanı düzgün alqoritm” mövzusunda məruzələrlə çıxış ediblər.
Konfrans bitdikdən sonra iştirakçılar Azərbaycan Prezidenti, Ali Baş Komandan İlham Əliyevin rəhbərliyi ilə müzəffər ordumuzun qəhrəmanlığı hesabına azad olmuş Xankəndi və Agdam şəhərlərini də ziyarət edib, erməni vandallarının törətdiyi cinayətlərdən sonra aparılan böyük quruculuq işləri ilə tanış olublar.

---

---