Müasir müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın ümummilli lideri Heydər Əliyevin vəfatından 11 il ötür.
Hər il olduğu kimi, bu il də başda səhiyyə naziri Oqtay Şirəliyev olmaqla, Azərbaycanın səhiyyə ictimaiyyəti və təbabət elminin nümayəndələri Vətənimizin dahi oğlu Heydər Əliyevin əbədiyyətə qovuşmasının ildönümü münasibətilə Fəxri Xiyabanı ziyarət ediblər. Ulu öndərin xatirəsini dərin ehtiramla yad edən ziyarətçilər onun məzarı önünə əklillər, gül dəstələri qoyublar.
Daha sonra ümummilli liderin ömür-gün yoldaşı, görkəmli oftalmoloq alim, akademik Zərifə xanım Əliyevanın da xatirəsi yad edilib, məzarı üzərinə gül dəstələri düzülüb.

---

---