Hadi Rəcəbli: "Bu məsələ parlamentin gündəliyindən birdəfəlik çıxarılıb"
“Azərbaycanda surroqat analığa icazə verilməsi məsələsi cəmiyyətdə birmənalı qəbul olunmadığına görə, bu, parlamentin gündəliyindən birdəfəlik çıxarıldı”. Bunu Milli Məclisin Sosial Siyasət Komitəsinin sədri Hadi Rəcəbli deyib.
Millət vəkili qeyd edib ki, bu məsələ milli mentalitet baxımından, həmçinin digər fəsadların baş verməsi ehtimalı ilə əlaqədar cəmiyyətdə narazılıqla qarşılanıb: “Ona görə biz də bu məsələni gündəlikdən birdəfəlik çıxardıq və yaxın gələcəkdə parlamentdə onu müzakirə edəcəyimiz gözlənilmir”.
Qeyd edək ki, Azərbaycanda surroqat analığa icazə verilməsi ilə bağlı məsələ uzun müddət parlamentin və ictimaiyyətin müzakirə mövzusu olub. Qafqaz Müsəlmanları İdarəsi də bir neçə dəfə bu məsələyə etiraz edib.

---

---