Müasir tariximizin ən dəhşətli faciələrindən biri olan Xocalı soyqırımının 34-cü ildönümü günündə Səhiyyə Nazirliyinin rəhbərliyi Xocalı soyqırımı faciəsinin qurbanlarının xatirəsinə ucaldılan “Ana harayı” abidəsini ziyarət edib.
Nazirliyin mətbuat xidmətinin verdiyi məlumata görə, qurumun əməkdaşları abidə önünə tər gül dəstələri qoyublar, faciə qurbanlarının xatirəsini ehtiramla yad ediblər.
Azərbaycan xalqı Xocalı soyqırımını heç vaxt unutmur və unutmayacaq. Bu qanlı faciə beynəlxalq hüquq normalarına zidd olan, bəşəriyyətə və insanlığa qarşı cinayət kimi qiymətləndirilir.

---

---