Valyuta.com

ATU ilə Türkiyənin Cərrahpaşa Universiteti arasında memorandum imzalanıb

ATU ilə Türkiyənin Cərrahpaşa Universiteti arasında memorandum imzalanıb

Azərbaycan Tibb Universitetinin (ATU) qonağı olan Türkiyənin İstanbul Universiteti – Cərrahpaşanın rektoru Nuri Aydın ATU-nun rektoru, professor Gəray Gəraybəyli ilə görüşüb. Görüş zamanı iki universitet arasında əməkdaşlığa dair anlaşma memorandumu imzalanıb.
Professor Gəray Gəraybəyli ali məktəblərin ortaq maraqlarını təşviq etmək baxımından memorandumun yararlı olacağını qeyd edib. Onun sözlərinə görə, hər iki müəssisə qarşılıqlı korporativ tədris və elmi-tədqiqat fəaliyyətini reallaşdırmaqda maraqlıdır. Bunun üçün işlək mexanizmlərin yaradılmasına ehtiyac var: “Biz qardaş Türkiyə universitetləri ilə əməkdaşlıq sənədi imzaladıqda bu sənəddə real hədəflərin qoyulmasının tərəfdarı oluruq. Tələbə və rezidentlərimiz, həkim və müəllimlərimiz üçün belə əməkdaşlığın olması çox vacibdir. Xüsusilə də Türkiyə universitetlərinin tibb fakültələri ilə rezident mübadiləsində sıx əməkdaşlığımız mövcuddur. İmzaladığımız müqavilə qarşılıqlı elmi işlərin aparılması prosesinə böyük təkan olacaq”.
Rektor G.Gəraybəyli ATU-da xarici ölkələrdən tələbələrin təhsil aldığını, onlar arasında Türkiyədən gənclərin olduğunu da diqqətə çatdırıb. Onun sözlərinə görə, “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı”nın hədəflərinə əsasən, ATU-da beynəlxalq ikili diplom proqramlarının tətbiqi və doktorantura səviyyəsində Azərbaycan vətəndaşlarının seçiminin təkmilləşdirilməsi üzrə işlərə başlanılıb. Bunlar da beynəlxalq səviyyəli mütəxəssis və tədqiqatçıların yetişdirilməsində universitetin rolunu daha da gücləndirəcək.
Türkiyənin İstanbul Universiteti – Cərrahpaşanın rektoru, professor Nuri Aydın rəhbərlik etdiyi ali məktəbdə hazırda 42 min tələbənin təhsil aldığını, yeni struktur dəyişikliklərinin aparıldığını bildirib. O, əməkdaşlığın hər iki universitet üçün faydalı olacağına inandığını deyib.
Sonra Azərbaycan Tibb Universiteti ilə İstanbul Universiteti – Cərrahpaşa arasında memorandum imzalanıb. Sənəddə birgə tədris və təhsil fəaliyyəti, doktorluq dərəcəsi üzrə tələbə mübadiləsi, birgə rəhbərlik altında doktorluq dissertasiyalarının yazılması, akademik və elmi sahələrdə əməkdaşlıq nəzərdə tutulur. Bundan əlavə, sazişdə ali məktəblərin birgə layihə və tədqiqatlar aparması, diplomaqədərki və diplomdansonrakı tələbələrin, həmçinin elmi işçilərin və tədris heyətinin mübadiləsi, akademik nəşrlər və elmi sənədlərin mübadiləsi ilə bağlı fəaliyyətlər də öz əksini tapıb.шаблоны для dle 11.2





Aprel2019

~ Sonuncu nömrə ~

Bütün nömrələr

Elanlar
ELANLAR

Daha çox

Film və videolar

Daha çox

Sosial reklamlar

Daha çox

Facebook
Səhiyyə Nazirliyinin nəşrləri

İlham Əliyev

Mehriban Əliyeva

Mehriban Əliyeva


Nigar Məcidova