Fövqəladə Hallar Nazirliyi əməkdaşları təltif edildilər
Azərbaycan Respublikasının Prezidenti İlham Əliyev Fövqəladə Hallar Nazirliyinin əməkdaşlarına fəxri adların verilməsi haqqında Sərəncam imzalayıb. O cümlədən iki nəfər – tibb xidməti polkovniki Kamal Namiq oğlu Əliyev və Fikrət Əhəd oğlu Aslanov uzunmüddətli səmərəli fəaliyyətlərinə görə “Əməkdar həkim” fəxri adı alıblar.
Dövlət başçısının digər bir Sərəncamı ilə xidməti vəzifələrini yerinə yetirərkən fərqləndiklərinə görə təltif edilmiş Fövqəladə Hallar Nazirliyi əməkdaşları arasında da tibb işçisi var. Belə ki, tibb xidməti mayoru Xanım Ramiz qızı Sofiyeva “Hərbi xidmətlərə görə” medalı ilə təltif olunub.
