Valyuta.com

ÜST Azərbaycan nümayəndəliyi: Səhiyyə Nazirliyinin həyata keçirdiyi tədbirlər ÜST-nin tövsiyələrinə uyğundur

ÜST Azərbaycan nümayəndəliyi: Səhiyyə Nazirliyinin həyata keçirdiyi tədbirlər ÜST-nin tövsiyələrinə uyğundur

Ümumdünya Səhiyyə Təşkilatı (ÜST) koronavirusla mübarizəni gücləndirmək məqsədilə dünyanın bir neçə regionunda, o cümlədən Cənubi Qafqazda regional mərkəzlər yaradıb. ÜST-nin Səhiyyədə Fövqəladə Hallar Proqramının Cənubi Qafqaz üzrə Mərkəzi Gürcüstanın paytaxtı Tbilisi şəhərində yerləşir. Bu mərkəzin əsas məqsədi Cənubi Qafqaz regionundakı ölkələrin ictimai səhiyyə sahəsindəki fövqəladə hallara hazırlıq və cavab potensialını gücləndirmək üçün xüsusi və prioritetlərə uyğun texniki dəstək verməkdir. Mərkəz həmçinin tərkibinə daxil olan ölkələrdə Beynəlxalq Tibbi Sanitariya Qaydalarının həyata keçirilməsinin monitorinqini aparır. Mərkəz tərəfindən texniki dəstək ÜST ilə Səhiyyə nazirlikləri arasında iki illik əməkdaşlıq müqaviləsində göstərilən mütərəqqi iş planı və milli prioritetlər əsasında göstərilir.
Bu barədə ÜST-nin Azərbaycan nümayəndəliyindən verilən məlumatda bildirilir ki, Mərkəzin Azərbaycanda əsas rolu Səhiyyə Nazirliyinin səhiyyədə fövqəladə hallara hazırlıq və cavab potensialının gücləndirilməsinə dəstək göstərməkdir. Mərkəz texniki rəhbərlik edərək və ekspertlərin tövsiyəsini bölüşərək, müvafiq yerli orqanları regional ofis və baş qərargahla əməkdaşlıq yolu ilə Avropa və qlobal səviyyədə beynəlxalq təcrübə ilə əlaqələndirir.
Hazırda mərkəz ÜST-nin yeni koronavirusa qarşı hazırlıq və cavab planına uyğun olaraq Azərbaycana dəstək göstərir. Mərkəzin əsas prioritetləri ÜST Avropa regionunda COVID-19-a ilk yoluxma hallarının aşkarlanması üçün laboratoriya imkanlarının gücləndirilməsi, təyin olunmuş yerli və xarici istinad laboratoriyalarında test imkanı, yoluxmuş şəxslər üçün izolyasiya və xəstəxana müalicəsi, virusun ölkədə yayılmasının qarşısını almaq üçün yaxın təmasın izlənməsi və düzgün qabaqlayıcı tədbirlərlə bağlı risk kommunikasiyasıdır.
ÜST-nin Azərbaycan nümayəndəliyi koronavirusla bağlı Azərbaycanda görülən qabaqlayıcı tədbirləri belə dəyərləndirib: “ÜST dünyanın bütün ölkələrini virusa qarşı hazırlıq görməyə təşviq edir, xəstələrə ləyaqət və şəfqətlə yanaşmağa, virusun insandan insana ötürülmənin qarşısını almağa və tibb işçilərini qorumağa çağırır. Bu günə qədər Səhiyyə Nazirliyinin həyata keçirdiyi tədbirlər əsasən ÜST-nin tövsiyələrinə uyğundur, tibb müəssisələri və laboratoriyalar ÜST-nin qlobal təlimatlarına riayət edir”.
Beynəlxalq təşkilatın Azərbaycan nümayəndəliyindən həmçinin bildirilib ki, Ümumdünya Səhiyyə Təşkilatının qlobal hədəflərinə əsaslanan tövsiyələri səhiyyə sisteminin yoluxma hallarına qarşı hazırlıqlı vəziyyətə gətirilməsi məqsədinə xidmət edir. Bütün respirator virus infeksiyalarında olduğu kimi, COVID-19 virusunun törətdiyi xəstəliyin də ölkə ərazisinə keçmə riskini tamamilə aradan qaldırmaq çox çətindir. İnfeksiya hallarını aşkar etmək, ötürülmə yolu ilə daha da yayılmasının qarşısını almaq, müalicə və lazımi izolyasiyanı təmin etmək üçün kifayət qədər potensial olmalıdır. Ölkəyə səfər edən şəxslərin səciyyəvi simptomlar müşahidə edilən zaman müraciət etməli olduğu müəssisələr, həmçinin əllərin yuyulması və ictimai yığıncaqların keçirilməməsi kimi standart profilaktik tədbirlər barədə məlumatlı olmaları təmin edilməlidir. ÜST Azərbaycan nümayəndəliyi Azərbaycan Respublikası Səhiyyə Nazirliyinin bu istiqamətdə fəaliyyətini təqdir edir.шаблоны для dle 11.2





]Fevral

~ Sonuncu nömrə ~

Bütün nömrələr

Elanlar
Elanlar

Daha çox

Film və videolar

Daha çox

Sosial reklamlar

Daha çox

Facebook
Səhiyyə Nazirliyinin nəşrləri

İlham Əliyev

Mehriban Əliyeva

Mehriban Əliyeva


Nigar Məcidova